Habesha2day
Welcome
Login

ETHIOPIA NEWS


  • ኢትዮጵያ የአየር ንብረት ለውጥ ተፅዕኖ ተጋላጭ ሀገራት ፎረምን በፕሬዚዳንትነት እንድትመራ ተመረጠች

     

    (habesha2day.com 22/2008)ኢትዮጵያ የአየር ንብረት ለውጥ ተፅዕኖ ተጋላጭ ሀገራት ፎረምን ለቀጣይ አንድ አመት በፕሬዚዳንትነት እንድትመራ ተመረጠች።

    የአካባቢ፣ ደንና የአየር ንብረት ለውጥ ሚኒስቴር ለፋና ብሮድካስቲንግ ኮርፖሬት በላከው መግለጫ እንዳመለከተው፥ በፓሪስ እየተካሄደ ባለው የአየር ንብረት ለውጥ ጉባዔ ነው ኢትዮጵያ ፎረሙን ለቀጣይ አንድ አመት በፕሬዚዳንትነት እንድትመራ የተመረጠችው።ፎረሙ እስካሁን ድረስ 30 አባል ሀገራት ያሉት ሲሆን፥ ባለፈው አንድ አመት በፊሊፒንስ በፕሬዚዳንትነት ሲመራ ነበር፡፡ 

    ሚኒስቴሩ እንዳለው ኢትዮጵያ የአየር ንብረት ለውጥ ድርድሩን እንደ አህጉር በአፍሪካ እንዲሁም በቡድን 77 እና ቻይና እንዲሁም በዝቅተኛ እድገት ላይ ባሉ ሀገራት ቡድኖች ስትሳተፍ ቆይታለች፤ በመሳተፍ ላይም ትገኛለች።  ፎረሙ እንደ ኢትዮጵያ ያሉ ለአየር ንብረት ለውጥ መከሰት ይህ ነው የሚባል አስተዋፅኦ የሌላቸው ነገር ግን ለአየር ንብረት ለውጥ ተፅዕኖ ይበልጥ ተጋላጭ የሆኑ ሀገራት የሚሳተፉበትና ድምፃቸውን ይበልጥ የሚያሰሙበት ነው።በሌላ በኩል 11 ሀገራት ከ240 ሚሊየን በላይ የአሜሪካ ዶላር ከ2016 ጀምሮ ለአንድ አመት ስራ ላይ የሚውል የገንዘብ ድጋፍ ለማድረግ ቃል ገብተዋል። 

    በስነ ስርዓቱ ላይ የተገኙት የአካባቢ፣ ደንና አየር ንብረት ለውጥ ሚኒስትር ዴኤታ አቶ ቃሬ ጫዊጫ፥ ቃል የተገባው ድጋፍ አበረታች ቢሆንም በአነስተኛ እድገት ላይ ከሚገኙ ሀገራት ፍላጎት አንፃር ሲታይ ውስን መሆኑን ተናግረዋል። ኢትዮጵያ የአየር ንብረት ለውጥ ተፅዕኖን ለመቋቋምና በ2030 የሙቀት አማቂ የልቀት መጠኗን በ64 በመቶ ለመቀነስ እየሰራች መሆኗን የጠቆሙት ሚኒስትር ዴኤታው፥ ሌሎች ሀገራት ለሚያከናውኗቸዉ መሰል ተግባራት የሚደረገው ድጋፍ ተጠናክሮ እንዲቀጥልም ጠይቀዋል።

     

     

    Read more »
  • ኢትዮጵያ ዋና ዋና አለም አቀፍ ኩባንያዎችን መሳብ ችላለች አይ ኤም ኤፍ

     

    ኢትዮጵያ  ዋና  ዋና  አለም አቀፍ ስም ያላቸውን ኩባንያዎች በመሳብ ስኬታማ  መሆኗን የአለም አቀፉ  የገንዘብ ተቋም አስታወቀ።ተቋሙ እንዳለው በአንፃራዊነት የሙስና አለመኖር፣ርካሽ የሰው ሀይል ጉልበት፣የመንግስት ማበረታቻዎችና የተረጋጋ ሰላም መኖሩ  ሀገሪቱ  ከመላው አለም  ስምና እውቅና ያላችው የቢዝነስ ተቋማትን ጨምሮ  መሳብ ችላለች።ባለፈው ጥቅምት ወር  በፋርማሲዩቲካልና  በግብርና ዘርፍ የኢስያ ኩባንያዎችን መቀበሏ ለአብነት ጠቅሷል።የደቡብ አፍሪካው ስታንዳርድ ባንክ በአዲስ አበባ ቅርንጫፍ መክፈቱም ሌላው ተጠቀሽ ስኬት አድርጎ ተቋሙ አቅርቦታል።

    በግብርና፣  በመሰረተ ልማት፣በማምረቻ  ኢንዱስትሪና  በሀይል ዘርፍና  በአገልግሎት ዘርፍ እንደ ጆቫጎ፣ላሙዲ፣ኤቬር ጆብስና  ካይሙ ወደ  ኢትጵያ በመግባት ላይ መሆናቸው ተመልክቷል በዘገባው።አይ ኤም ኤፍ ባወጣው ትንበያ  ከሰሃራ  በታች ያሉ  ሀገራት እድገት አራት በመቶ  በማያድግበት ሁኔታ፣ የኢትዮጵያ ምጣኔ ሀብት ግን ከሰባት በመቶ  በላይ ሊያድግ እንደሚችል አመልክቷል።ለእድገቱ ደግሞ  እያደገ የመጣው የቀጥታ  የውጭ ኢንቨስትመንት  ፍሰት ቁልፉን ሚና  እንደሚጣ  ነው የገለፀው።

    ምንጭ:- አፍሪካ  ቢዝነስ

    Read more »
  • ጠቅላይ ሚኒስትር ኃይለማርያም ከአቡ ዳቢ ልዑል አልጋወራሽ ጋር በሁለትዮሽ ጉዳዮች ዙሪያ ተወያዩ

    ጠቅላይ ሚኒስትር ኃይለማርያም ደሳለኝ ከአቡ ዳቢ ልዑል አልጋወራሽ ሼክ መሃመድ ቢን ዛይድ አል ናህያን በሁለትዮሽና በጋራ ጉዳዮች ዙሪያ ዛሬ ምክክር አካሄዱ።ጠቅላይ ሚኒስትሩ ከአገሪቱ ልዑል አልጋወራሽና ምክትል የጦር ኃይል አዛዥ ጋር ያደረጉት ውይይት በኢኮኖሚያዊና አካባቢያዊ የፀጥታ ጉዳዮች ላይ ያተኮረ ነው።ውይይታቸውም የተባበሩት ዓረብ ኤምሬትስ ባለኃብቶች በኢትዮጵያ የኢንቨስትመንት መስክ ላይ በስፋት በሚሰማሩበትና የንግድ ልውውጡም በሚጠናከርበት እንደሆነ ውይይቱን የተከታተሉት የመንግሥት ኮሚኒኬሽን ጉዳዮች ጽህፈት ቤት ኃላፊ ሚኒስትር አቶ ጌታቸው ረዳ ገልጸዋል።ሁለቱ አገራት ባላቸው የንግድ ትስስርና የኢንቨስትመንት እንቅስቃሴ ኢኮኖሚያዊ ግንኙነታቸው ጠንካራ የሚባል እንደሆነም ተገልጿል።

    በዓለም ላይ ፈጣን ኢኮኖሚያዊ ዕድገት እያስመዘገቡ ካሉት አገራት አንዷ የሆነችው ኢትዮጵያ በኢኮኖሚው መስክ ለተባበሩት ዓረብ ኤምሬትስ ባለኃብቶች የተመቸች አገር አድርጓታል።የተባበሩት ዓረብ ኤምሬትስ ባለኃብቶች በኢትዮጵያ መዋዕለ ነዋያቸውን እንዲያፈሱም ኢትዮጵያ ፍላጎት እንዳላትም ጠቅላይ ሚኒስትር ኃይለማርያም ለልዑሉ አስረድተዋል።

    ልዑል አልጋወራሽ መሃመድ ቢን ዛይድ በበኩላቸው የአገራቸው ባለኃብቶች በኢትዮጵያ የኢንቨስትመንት መስክ እንዲሰማሩ እንደምታበረታታ ተናግረዋል።ሁለቱም ወገኖች ቀጣናዊ ሠላምና መረጋጋት ይበልጥ ትብብር በሚደረግበት ዙሪያ ምክክር አካሂደዋል።

    ኢትዮጵያና የተባበሩት ዓረብ ኤምሬትስ በቀጣናዊ በተለይም በሶማሊያ፣ በሱዳንና በየመን ሠላምና መረጋጋት እንዲሰፍን ተመሳሳይ አቋም እንዳላቸው ሚኒስትሩ አቶ ጌታቸው ገልጸዋል።የተባበሩት ዓረብ ኤምሬትስ ኅብረት የተመሰረተበትን 44ኛ ብሄራዊ ቀንን በማክበር ላይ ትገኛለች።የእንግሊዝ ውል መጠናቀቅን ተከትሎ የተባበሩት ዓረብ ኤምሬትስ እንደ አውሮፓውያን አቆጣጠር ታኅሳስ 2 ቀን 1971 በስድስት ፌዴሬሽኖች ኅብረት ነው የተመሰረተው።

    አቡ ዳቢ፣ ዱባይ፣ ኡም አል ኩዋይን፣ ሻርጃህ፣ ፉጃራህና አጅማን በኅብረት የተባበሩት ዓረብ ኤምሬትስን ሲመሰርቱ ራስ አል ካይማህ ደግሞ ከዓመት በኋላ ኅብረቱን ተቀላቅላለች።ጠቅላይ ሚኒስትር ኃይለማርያም ወደ አቡ ዳቢ የተጓዙት በልዑል አልጋወራሽ ሼክ መሃመድ ቢን ዛይድ በቀረበላቸው ግብዣ ሲሆን፥ የአቡ ዳቢ ቆይታቸውን እንዳጠናቀቁ በዓለም የአየር ንብረት ጉባዔ ለመሳተፍ ወደ ፓሪስ ያቀናሉ።

    source fanabc

    Read more »
  • የውጭ ሀገራት የቴሌቪዥን ፕሮግራሞችን በሀገር ውስጥ ያለፈቃድ ሲያሰራጩ በተገኙ ላይ እርምጃ ተወሰደ.

     

    ክፍያ የሚፈጸምባቸውን የውጭ ሀገራት የቴሌቪዥን ፕሮግራሞች በሀገር ውስጥ ያለፈቃድ ሲያሰራጩ በተገኙ ላይ የኢትዮጵያ ብሮድካስት ባለስልጣን እርምጃ መውሰድ ጀመረ።በባለስልጣኑ ፈቃድ አግኝቶ ሀገር ውስጥ ክፍያ ተፈጽሞባቸው የሚሰራጩ የውጭ ሀገራት የቴሌቪዥን ፕሮግራሞችን እንዲያስተላልፍ ፈቃድ የተሰጠው መልቲ ቾይዝ ኢትዮጵያ አልያም "ዲ ኤስ ቲ ቪ" የተሰኘ ተቋም ብቻ ነው።ይሁንና ለባለስልጣኑ በደረሰ ተደጋጋሚ ጥቆማ አማካኝነት በተደረገ አሰሳ ክፍያ የሚፈጸምባቸውን የውጭ ሀገራት ፕሮግራሞች በህገ ወጥ መልኩ የሚያስተላልፉ መኖራቸውን ባለስልጣኑ ደርሶበታል።በዋነኛነትም የእግር ኳስ ውድድሮችን ጨምሮ ሌሎች ፕሮግራሞችን በቤይን ስፖርት፣ አቡዳቢ ስፖርትና ሌሎችንም ያለፈቃድ ሲያሰራጩ የነበሩ አካላት መገኘታቸውን ነው የባለስልጣኑ  የህዝብ ግንኙነት ሀላፊ አቶ ወርቅነህ ጣፋ ለጣቢያችን የተናገሩት።

    እግር ኳስን ጨምሮ ሌሎች ስፖርታዊ ውድድሮችና ፊልሞች እየተላለፉባቸው የሚገኙት ካርዶችና ዲኮደሮች ተገቢው ግብርና ታክስ ተከፍሎባቸውና ሀገር ውስጥ ፍቃድ አግኝተው የማይሰሩ በመሆናቸው በህጋዊ መንገድ ታክስና ግብር በከፈሉበት ላይ ተጽእኖን ከመፍጠር በላይ ሃገሪቱ ተገቢውን ገቢ እንዳታገኝ ያደርጋሉ።እንደባለስልጣኑ ገለጻ እንዚህ ህገወጦች በርካታ የሚባሉ ደንበኞችን መዝግበው በመያዛቸው ካርድ ሲቋረጥባቸው ተደዋውለው ክፍያ እየተቀበሉ ፕሮግራሞችን ያሰራጫሉ።በዚህም መነሻነት ባለስልጠኑ ከፖሊስ ጋር ባደረገው ዘመቻ ካርዶችና ሌሎች ዲኮደሮችን ደብቀው ሲሸጡ የነበሩ ግለሰቦች በቁጥጥር ስር መዋላቸውን አቶ ወርቅነህ  ተናግረዋል።

    በተጨማሪም እነዚህ ፕሮግራሞች በምስራቅ አፍሪካ የተከለከሉና ለሌሎች የአረብ ሀገራት የተፈቀዱ በመሆናቸው ቢቋረጡ እንኳን ዋስትና የሚባል ነገር እንደሌላቸው ነው ባለስልጣኑ የተናገረው።ባለስልጣኑ ህገ-ወጦች ላይ የጀመረውን እርምጃ በቀጣይ አጠናክሮ እንደሚቀጥል አስታውቆ፥ ህብረተሰቡም የእነዚህ ህገ ወጦች መጠቀሚያ እንዳይሆን መጠንቀቅ ይኖርበታል ብሏል።

    source fanabc

     

    Read more »
  • የውጭ ሀገራት የስራ ስምሪት አዋጅ በሁለት ሳምንት ውስጥ ፀድቆ ወደስራ ሊገባ ነው

    የውጭ ሀገራት የስራ ስምሪት አዋጅ በመጪዎቹ ሁለት ሳምንታት ውስጥ ፀድቆ ወደስራ እንደሚገባ ተነገረ።

    በህዝብ ተወካዮች ምክር ቤት የማህበራዊ ጉዳዮች ቋሚ ኮሚቴ ዛሬ በረቂቅ አዋጁ ዙሪያ የህዝብ አስተያየት ማሰባሰቢያ መደረክ አካሂዷል።

    በምድረኩ ላይ በአዋጁ ቢካተቱ፣ ቢስተካከሉና ቢቀነሱ ያሏቸውን ሀሳቦች ከባለድርሻ አካላት እና በውይይቱ ከተሳተፉ የተለያዩ የህብረተሰብ ክፍሎች ተነስተዋል።

    አዲሱ አዋጅ ወደ ውጭ ሀገራት የሚሄዱ ዜጎች የሚያጋጥሟቸውን ችግሮች መፍታት የሚያስችሉና ጥቅሞቻቸውን በአግባቡ ማስከበር የሚያስችል መሆኑን ነው በመድረኩ ላይ የተጠቀሰው።

    የቋሚ ኮሚቴው ሰብሳቢ ወይዘሮ አበባ ዮሴፍ ለፋና ብሮድካስቲንግ ኮርፖሬት እንደተናገሩት፥ በረቂቅ አዋጁ ዙሪያ ሲካሄድ የቆየው የግብዓተ ማሰባሰቢያ መርሃ ግብሮች ተጠናቀዋል።

    በመሆኑም በቀጣዮቹ ሁለት ሳምንታት ውስጥ የውጭ ሀገራት የስራ ስምሪት አዋጁ ለምከር ቤቱ ቀርቦ ይፀድቃል ብለዋል።

    የሰራተኛና ማህበራዊ ጉዳይ ሚኒስቴር በበኩሉ አዋጁ ራሱ የሚያሰራ በመሆኑ መመሪያ እና ደንቡን የማውጣቱ ስራ ጎን ለጎን እየተካሄደ አዋጁን በቀጥታ ስራ ላይ ለማዋል ዝግጅት ማጠናቀቁን አስታውቋል::

    Read more »
RSS